SAFED KAGAZ

Tak taki lagay baitha hun ek safed kagaz lekar,
Shabdon ke saath luka chhipi khel raha hun,

Socha ta hun ke kaisa hota gar samay ki koe tijori hoti...

Har ek khas pal ki video recording hoti uss tijori me,
jise hum dekh pate jab bhi dil kare apne sapno ki TV me. 

Sochiye kitna diljasp hota wo ehsaas jab hum khud ko school jaate dekh pate...
Barish me bhingte, dhul me sane, doston ke saath cricket khelte ya phir kabaddi ke maidan me... khud ko jeet te...haarte dhekhte...

Kaisa hota gar khud ko Papa ke saath bazaar me kharidari karte dekhte aur maa ki god me sar rakh kar chain se sota hua dekhte.

Masumiyat to umra ke saath purani aur dhundhli hoti jati hai...
par wo tijori khinch le jaati hamein uss samaykhand me jab apnon ki hansi se bhor hua karti thi...
aur daadi ki kahaniyon se saanjh...

Chala ek din phir

Chala ek din phir akele fikr ko bhulane...
Kadam thakte rahe aur housala tut-ta raha

Dil ki gehraeyon me rehta tha fikr ghar bana kar...
Wahan jahan roshini pahunchne se pehle hi dam tod deti hai

Dekha ek gardish me sane bachche ko sadak ke kinaare khelte hue... 
Pattharon se khel raha tha wo...
Khush tha unhe khilona samajh kar...

Kuchh hausala mila...
To phir ek baar ghar ki taraf kadam mud gaye...

Muskurahat ne ki jab guftgu udaasi se...

Muskurahat ne ki jab guftgu udaasi se...

Hum muskurahat hain ...
Aate hain aur jate hain hawa ki tarah...
Par tum kyon nishan chhod jate ho...

Hum udaasi hain...
Aur andheron me rehte hai...
Hamein kya pata silvaton ki vajah...

Hum jab aate hain...
Fael jaate hain ujaalo ki tarah...
Ek ek shakl ko khubsurat tasvir bana dete hain...

Aur ye hamaari kismat hai ke badkismat bana de use...jo hamein chah le aur panah de de....

Reshmi Dupatta

College ka wo pehla din
Aur apni pehli mulaqat
Yaad hain aise
Kal ki baat ho jaise

Tumne jo wo surkha gulabi dupatta odha tha'
Main to bas dekhta hi reh gaya
Meri aankhon me wo tasvir basi hai aaj bhi
Kal ki baat ho jaise

Shayad dosti ki pehel maine ki thi
Puchha tumse tumhara naam
Kis sargoshi se kaha tha tumne - 'Shadab'
Kal ki baat ho jaise

Apne canteen ki wo pehli chai
Jo hamne saath pi thi
Uska jayka ab bhi jubaan pe hai
Kal ki baat ho jaise

26 no ki wo bus
Jisne pehli baar mujhe tumse durr kiya
Aaj bhi dekhta hun - aati jati hai
Kal ki baat ho jaise ...
Kal ki baat ho jaise ...

Chourahe Par

Aaj khada chourahe par ye sochun
Kis rah hai meri manzil
Kis or hain mere sapne
Ek talash - ek dwand me hun

Khud se hi anjan
Khud se hi bekas
Jindgi ke mayne kya hain
Aaj khada chourahe par ye sochun

Chahat to hain dil me kai
Shayad junun dhundh raha hun
Kahan milega - kaun dega mujhe
Aaj khada chourahe par ye sochun

Zindgi me makaam mile
Ek unchai haasil ho
Wo ek subeh kab hogi
Aaj khada chourahe par ye sochun!!!

Mumbai

Daudti bhagti
Behti jati
Har pal khal-khal
Jaise nadi ho!

Waqt ke thapedo ko andar samete
Adig-ajar
Sehti jati
Jaise diwar ho!

Sapno ki nagri
Apno ki nagri
Ek bejor mel
Jaise sangam ho!

Ye sikhati hai raftar
Aur deti hai housla na thamne ka
Har kimat par
Jaise leher ho!

Kaun modega ise
Kaun todega ise
Ye shahar atut hai
Jaise chattan ho!!!

Peaceful Tomorrow

Tommorow will be peaceful
With no blood on d street
No tears in d eye
Flowers will blosom again
D sun will shine bright

We shall forgive
And forget the misery
They are history
Never to be repeated
It must be buried
In the backyard of our conscience

We shall smile
As d day is coming
With hope and tranquility
Just wait to grab it
To rejoice and live
Tommorow will be peaceful!!!

Zindgi Bhi Kamal Hoti hai ..

Kabhi ye to kabhi wo,
Kabhi wo to kabhi ye,
Na koi oor na koi chhod,
Ye zindgi bhi kamal hoti hai!!!

kabhi rulati to kabhi hansati,
Kabhi hansati to kabhi rulati,
Na jane kin rahon pe ye le jati,
Ye zindgi bhi kamal hoti hai!!!

Kabhi tarap to kabhi sakun,
Kabhi sakun to kabhi tarap,
Ek ehsaas jo rehti hai saath,
Ye zindgi bhi kamal hoti hai!!!

Kabhi runk to kabhi raja,
Kabhi raja to kabhi runk,
Har din - har umra ek paheli hai,
Ye zindgi bhi kamal hoti hai!!!

Kabhi gard to kabhi meharban,
Kabhi meharban to kabhi gard,
Apni kokh me bhvishya ko samete hue ye zindgi...
Bus kamal hoti hai!!!

I'm a Bullet!!!

I'm a Bullet,

and that's what I'm.

With no brain, no emotions & no values,

I don't discriminate.

Killing is not my hobby,

But it's my duty.

Hey, I'm a bullet,

and that's what I'm.

Don't fool yourself,

and never expect mercy from me.

Just run away from my way,

as I rarely miss any.

Pleading will only bleed you,

so, run...run away far from me.

Becoz, I'm a bullet,

and that's what I am.

Wo baat kahan!!!

Wo bargad ke ped yahan kahan,

Wo sarson ke khet yahan kahan,

Jo chamak khinch layi hamein,

Ab jo khojen sakun to wo mile yahan kahan.

Udte the aazad gagan me jahan roz sham-savere,

Wo josh aur wo baat ab yahan kahan,

Pahle dano ki thi na koi kami aur pite the pani jharne me,

Ab chhaton* aur munderon** par baith kar khane me wo baat kahan.

Hawa me daud lagaya karte the jab,

Gaate the geet yaaron ke sang,

Wo chahat aur unchaai to ab bhi hai,

Wo alladpan*** aur diwangi ki misal yahan kahan.

Ji karta hai ke ab laut chale hum,

Ja wapas apne aasman ko chume hum,

Dum ghut ta hai in eent ke ghosalon**** me,

Jagti aakhon ke sapno me ab wo baat kahan.

* Roof

** Railings

*** Carelessness

**** Nests

Phir hum kabhi nahi mile!!!

Purane Maszid ke Pichhe
Mahe Kamil me baithi thi wo mahroo
Muntazir thi mere liye
Aaj phir maine waqt se bewafai ki thi

Uske dudh-dhule chehre par tabbassum dekhna mera junu tha
Uske paas ja kar kaha - "Muaf karna der ho gayi"
Usne usi sargoshi se kaha - "Bahut der ho gayi"
Saffaq labz the go sach the

Wo ja rahi thi shehar se durr kisi mukhtalif raste
Maine fikro-nazar puchha - "Kab aaogi"
Dile-tabah ne suna uska jawab - "Kabhi nahi"
Hizr aayi to gurur jata raha

Uski aakhon me shafkat ke saath zahanat pahle kabhi nahi dekhi thi
Apne aapko es kadar bedar-bekas pahle kabhi nahi paya tha
Aaj bisate-hasti me ek mohra bana jiski maat hui
surur-E-Ishq Khalish ban jata raha

Kar bhi kya sakta tha main,
Kurbat me to saaye bhi saath chhod jate hain
Ganimat thi us waqt ye baat zehen me aayi
Warna munsifi kiski fitrat hai

Aaj phir kai saalon baad usi purane maszid ke pichhe
Khud ko uski yaadon ke aagosh me paya
Wo aaj bhi muzammid hai kahin
Dil me aaweja tasviren mujhse baatein jo karti hain

Urdu - English

1. Mahe Kamil - Full Moon, 2. Mahroo - Moon Face, 3. Tabbassum - Smile, 4. Sargoshi - Tough words in ears

5. Saffaq - Painless, 6. Labz - word, 7. Go - However, 8. Mukhtalif - Different, 9. Fikro-nazar - Rational Eyes

10. Dile-tabah - Ruined heart, 11. Hizr - Separation, Gurur - Pride, 12. Shafkat - Affection,

13. Zahanat - Wisdom, 14. Bisate-hasti - Plot of chess of life, 15. Mohra - Pawn, 16. Maat - Defeat

Once upon a time air was free!!!

I was kid then,

Living in a down-town,

House facing the green field,

My life was cool.

"I used to run; I used to fall,

I used to climb; I used to jump,

Friends were treasure then,

My kites never bothered anyone.

Getting up in the morning was so nice,

Playing cricket in the chilling wind,

I confess, used to get away from the ball,

My wit was at it's best.

"I wanted to travel around the world on my cycle,

Cruising ahead was my pasion,

Dreaming too was easy then,

My soul was supportive.

So many trees to tie swings,

Many flowing streams to plunge,

Life used to be party everyday,

My days used to be short for everything.

"Oh - I am no more kid,

Now live in a big city,

House facing windows of neighbors',

My life is shit.

I earn to pay more,

Spend my days in cubical & gasp for fresh breath,

Drag myslef back to the cage in my car,

My routine sucks.

"I'm planning to go for a vacation,

A place where fresh air is on sale,

I may have to look at the newspaper for the advertisements,

My breath is heavier.

Mera Shunya

Aaj bohot dino baad kuchh likhne ki koshish phir se kar raha hun,

Pata nahi kyon na koi kaaran dhund pa raha hun,

Na hi koi shabd,

Bilkul shunya, Bilkul Shunya.

Shayad ulajh gaya tha apne aap me, apni khali zindgi me,

Rozmarra ki bhag daur me, naye manzil ki talash me,

Mahino baad bhi usi makam pe khada hun aaj,

Bilkul Shunya, Bilkul Shunya.

Aisa kyon hai ke kuchchh bhi yaad nahi aata,

Na koi manzar na hi koi vakya…kahan tha main?

Kis gard me tha, Kis Firak me tha,

Bilkul Shunya, Bilkul Shunya.

Aaj jab baitha hun phir se to dil, dimag aur kalam saath chalne se inkar karte hain,

Shayad mujhe pehchanne se inkaar karte hain,

Kaise bataun unhe .. ke main tha …

Bilkul Shunya, Bilkul Shunya.

Ek Nazm

Tum apne ulfat se anjaan ho shayad jaan meri,
Par hum apne aagaz pe ab tak fida haiN.

Tum sochti hogi ke ye naa-vaaqfiyat kafi haiN hamse durr jaane ke liye,
Ek hum hain ke inhe aapki ada samajh aas lagae baithe haiN.

Gar ho fikrmand to mera haal parakh lo fir se,
Har baar mujhse yun mere gam ki numaaish na hogii.

Boss for Lifetime

Is d one who is sitting there in the sky?
Or d one screwing people down here on earth?
Isn't it amazing to find the right one?
Yes, It is, believe me it is real interesting.

Somebody who give a damn to d mess in the world?
Or d one who claim to control your destiny?
It's justa matter of perception,
I guess - neither of them.

How do then I find one for me?
I want redemption from d slavery,
I feel blind with my eyes wide open,
I wanna discover before I fall in to d abyss.

One fine day I hope, I'll wake up.
I'll see myself in d mirror - rubbing my eyes in Disbelieve,
Oh - I'll not be able to recognise me.
My face will be glowing to shine like never before,
It'll not be a miracle - but a transition to d real me.

And that day I'll be my own boss - A boss for lifetime!

What Fail Means?

Hey Buddies - 'I dunno what fail means'!
Is that a bug?
May be, if it is at all,
Let it be crushed then, under my black shoe.

Neither I am nut nor I'm drunk,
I'm just a bit crazy, if u like.
But hey, isn't it takes lostsa guts 'n' attitude -
To defeat d defeat?
Hey - Hey - Hey Buddies - 'I dunno what fail means'!

Ae Dehshatgardon

Dhamaka! Ek Aur Dhamaka!
Kitne Aur Dhamake Karoge Ae Dehshatgardon?
Thak Jaoge, Tut Jaoge Ek Din,
Allah Ke Bandon Ka Nishaa Na Mita Paoge.

Kiski Hasti Se Tumhe Darr Lagta Hai?
Uski Jinhe Tum Marte Ho?
Ya Phir Unki Jinhone Tumhari Hasti Tumse Chhin Li Hai?
Na Jane Tum Kyun Bhul Jate Ho Ke Allah Sabse Bada Wali Hai.

Kya Dusron Ke Badan Se Nikla Khun Tumhare Khun Se Sasta Hai?
Kya Amma Ke Aakon Se Bahe Aansuon Ka Bhi Koi Mazhab Hota Hai?
Jaane Do - Tum Kya Jano Insaani Jazbaaton Ko,
Bech Jo Chuche Ho Apne Emaan Haiwano Ko.

Ek Din Jab Kayamat Ki Gadi Aayegi,
Aur Tumhara Shumar Katilon Me Hoga - Jiske Haath Masumon Ke Khun Se Sane Hai,
Un Haaton Se Kya - Sazda Kar Paaoge Tum?
Us Din Jab Apne Dil Ke Gariche Se Ander Jhanko Ge,
Darr Jaoge - Apne Ander Bhi Ek Insaan Ko Paoge.

Par Us Din Tumhara Lautana Mumkin Na Hoga.

Main Sone Se Darta Hun

Aaj Jo Sounga To Kya Dekhunga Sapne Me,
Aaundhe Pade Ye Sochta Hun Main.
Kal Aadhi Raat Chaunk Ke Utha Baitha Tha,
Aisa Kya Dekha Yaad Nahi Aata.

Bachpan Me Jab Maa Loriyan Gaati Thi,
Mujhe Nind Badi Pyaari Lagti Thi,
Sapne Me Pariyan Durr Desh Le Jati Thi,
Muskan Mere Oth Par Chhod Jati thi.

Aaj Nind Nahi Aati, Maa Ki Yaad Aati Hai,
Sona Nahi Chahta Shayad Sapno Se Darta Hun,
Ye Sochta Hun Ke Ab Kyon Nahi Aati Sapno Me Pariyan,
Kya Pariyan Sirf Bachhon Ke Sapno Me Hi Aati Hain?

Zindgi ...

Zindgi kiraye* ke makan jaisi hoti hai,
Jiski eeton pe hamara koi ikhtiyaar* nahi hota,
Hum jise jina samajhte hain wo mehez ek samjhauta hai,
Aur jise saans lena - 'Adaygi'*.

Kiraye - Rented
Ikhtiyaar - owning something
Adaygi - Payment

KASHTI

Aaj Chand Jane Kyon Itna Safed Hai,
Pahle To Ise Kabhi Aisa Nahi Dekha,
Khamosh, Sard aur Bilkul Akela Sa,
Aaj Badal Bhi Ise Kajal Nahi Lagata II

Kya Ho Gaya Hai - Ya Kya Hone Wala Hai,
Main Sochta Hun Baitha Nadi Kinare,
Har Leher Jo Kinare Se Takrati Hi - Kuchh Kehti Hai Jaise,
Na Jane Kaun Hai Jo Aane Wala Hai II

Pedon Ke Patte Hawaon Ki Dhun Pe Ga Rahe Hain,
Chakod Sakhon Par Baith Chand Ko Niharte Hain,
Swagat Sa Mahaul Lagta Hai Aaj Chandni Raat Me,
Jane Kyon Har Aane Wale Pal Pe Hain Meri Palke Tiki II

Jo Durr Dekhta Hun To Kuchh Dhundhla Sa Dikhta Hai,
Ek Aakriti - Jo Lehron Pe Uthti Aur Baithti Hai,
Mujhe Paas Aati Si Lagti Hai Wo Dhime Dhime,
Nadi Ki Dhar Par Bani Roshni Ki Diwar Ke Us Par Hai Wo Shayad II

Duri Jo Hai Lambi - Lamha Ban Mit Rahi Hai.